SHAQIR TOTAJ

Shaqir Totaj ka lindur në Prizren me 24 Dhjetor 1960, shkollën fillore dhe të mesmen i përfundoi në Prizren, për të vazhduar në universitet drejtimi Ekonomi në Universitetin e Prishtinës. Studimet pasuniversitare i ka ndjekur në Universitetin e Uashingtonit në fushën e Menaxhmentit dhe Lidershipit Ekzekutiv në Sektorin Publik. Gjithashtu, nga TADAT, programi special i FMN-së në Uashington DC, ai është çertifikuar si Ekspert Ndërkombëtar i Performancës së Administratës Tatimore. Totaj ka qenë pjesë e themelimit të Administratës Tatimore të Kosovës, ku vazhdoi punën për 20 vjet, duke mbajtur pozita të ndryshme drejtuese, menaxher i Zyrës Rajonale në Prizren dhe Pejë dhe menaxher i Drejtorisë së Tatimpaguesve të Mëdhenj në Prishtinë. Në të gjitha këto përgjegjësi ai ka punuar ngushtë me ekspertë ndërkombëtarë nga SHBA-të, Britania e Madhe dhe BE-ja duke treguar profesionalizëm dhe integritet me rezultate shumë të mira. Për tetë vite ai ka udhëhequr klubin e basketbollit “Bashkimi” në Prizren, kohë kur ekipi për herë të parë u bë kampion i Kosovës pas luftës dhe u bë pjesë e garës për Ligën Ballkanike. Gjithashtu, ai ka shërbyer edhe si nënkryetar i Federatës së Basketbollit të Kosovës, duke ndihmuar sportin kosovar drejt arritjeve të mëdha siç është anëtarësimi në Federatën Ndërkombëtare të Basketbollit – FIBA. Së fundmi ai ishte anëtar ekzekutiv i bordit të Ligës së Përbashkët të Basketbollit Kosovë-Shqipëri (UNIKA). Ndër vite ai është marrë edhe me biznes. Që nga viti 2017 është pjesë aktive e politikës. Flet dhe shkruan rrjedhshëm tre gjuhë: shqip, anglisht, serbo-kroatisht dhe gjuhën e katërt, turqisht, në nivelin fillor. Ai jeton në Prizren me nënën, gruan e tij Fluturën dhe dy fëmijët e mrekullueshëm, tashmë të rritur, Elenën dhe Adonisin.

-Kryetari përfaqëson Komunën dhe vepron në emër të saj;

-Udhëheq ekzekutivin e Komunës dhe administratën e saj dhe mbikëqyr administrimin
financiar të Komunës;

-Ushtron të gjitha kompetencat, të cilat nuk i jepen në mënyrë eksplicite Kuvendit të Komunës apo komiteteve të tij;

-Është përgjegjës për zbatimin e rregulloreve dhe vendimeve të miratuara nga Kuvendi i Komunës, administrimin financiar të Komunës dhe ekzekuton aktet e Kuvendit të Komunës;

-Emëron dhe shkarkon nënkryetarin e Komunës;

-Rekruton dhe largon udhëheqësin e Personelit në pajtim me ligjin e zbatueshëm për shërbimin civil;

-Në çdo kohë mund t’i propozojë drejtoritë që duhet t’i ketë Komuna;

-Emëron drejtorët e drejtorive të Komunës për të ndihmuar rreth kryerjes së detyrave të tij;

-Bën caktimin apo ndarjen dhe bashkërendimin e përkohshëm të punëve dhe përgjegjësive ndërmjet drejtorive sipas nevojës duke pasur për bazë lëmin apo projektin e caktuar;

-Emëron dhe shkarkon këshilltarët e tij të cilët i ndihmojnë atij për kryerjen e detyrave;
-Propozon rregullore apo akte të tjera për miratim në Kuvendin e Komunës;

-Propozon planin zhvillimor komunal, planet rregulluese dhe investuese, i propozon buxhetin vjetor për miratim Kuvendit të Komunës dhe e ekzekuton buxhetin e miratuar;

-Raporton para Kuvendit të Komunës për situatën ekonomikefinanciare të Komunës
dhe për zbatimin e planeve investuese të Komunës, së paku një herë në gjashtë muaj apo kurdoherë që kërkohet nga Kuvendi i Komunës;

-Mund të kërkojë që Kuvendi i Komunës ta shqyrtojë ndonjë akt komunal që është
miratuar nga Kuvendi para hyrjes së tij në fuqi kur konsideron se akti cenon interesin e komuniteteve apo ligjvënien që është në zbatim;

-Kujdeset për zbatimin e dispozitave të Ligjit të Vetëqeverisjes Lokale dhe dispozitat tjera ligjore që kanë të bëjnë me përgjegjësitë e komunave;

-Konsulton nënkryetarin e komuniteteve për çështjet që kanë të bëjnë me komunitetin pakicë;
-Aktivitetet tjera që i caktohen me Statut;

-Bashkëpunon me kryesuesin e Kuvendit për caktimin e rendit të ditës për mbledhje të Kuvendit dhe Kryen edhe të gjitha funksionet tjera të përcaktuara me ligje të veçanta dhe përgjegjësi tjera që caktohen nga Kuvendi i Komunës për kryetarin në pajtim me këtë Statut.

-Kryetari i Komunës, nga kompetencat e veta bie vendime, konkluzione, rekomandime dhe akte të tjera juridike nënligjore që janë në pajtim me sistemin kushtetues dhe ligjor të Republikës së Kosovës.

Përgjegjësit

How do i