Në sallën e mbledhjeve të Kuvendit Komunal, në organizim nga anëtarët e komitetit për politikë dhe financa (KPF), është mbajtur sot dëgjimi publik me qytetarë për përgatitjen e buxhetit të komunës për vitin 2023.
Hapjen e dëgjimit është bërë nga kryesuesja e Kuvendit të Komunës së Prizrenit, njëherit edhe kryesuese e KPF-së, Antigona Bytyqi e cika ka thënë se duke u bazuar në kërkesat ligjore sot kemi organizuar këtë dëgjim publik me qytetarë.
“Njoftimet për mbajtjen e dëgjimet janë bërë me kohë dhe janë publikuar në uebfaqen e komunës dhe në platformën e konsultimeve publike. Në këtë dëgjim ju kemi ftuar që t’ju japim mundësinë të jepni opinionet, sugjerimet, kërkesat nevojat dhe vërejtjet e juaja, të cilat më pastaj do ti adresojmë tek ekzekutivi”, ka thënë ndër të tjera kryesuesja Bytyqi.
Ndërsa Sulltan Badalli ka thënë se fillimisht kemi formuar grupin punues për organizimin e dëgjimeve publike, ky grup punues ka marrë kërkesat të cilat kanë ardhur nga qytetarët.
E kemi parasysh që nevojat e qytetarëve janë më të mëdha se sa që është buxheti të cilin e kemi pranuar nga ministria, pra janë kufijtë buxhetorë që janë caktuar, ky buxhet është prej 57 milion e 500 mijë dhe se është i ndarë në kategori bazë: Paga dhe mëditje 22 milion, shpenzime komunale janë 1 milion e 220 mijë, mallra dhe shërbime janë rreth 12 milion, investime kapitale janë 18 milion e 662 mijë kurse subvencionet janë prej 3 milion e 500 mijë.
Kërkesat e qytetarëve kishin të bënin kryesisht me rregullimin e infrastrukturës rrugore dhe rregullimin-pastrimin e kanalizimeve.
Përgjigjet në kërkesat e qytetarëve i ka dhënë Sulltan Badalli, drejtor i Drejtorisë për Ekonomi dhe Financa.
Qytetarët pjesë pjesëmarrës në takim u është dorëzuar në mënyrë fizike projekt buxheti për vitin 2023.
Njoftimi për mbajtjen e dëgjimit është bërë me 05.092022, njoftimin mund ta gjeni të publikuar në këtë vegëz:
Rikujtimi i njoftimit për mbajtjen e dëgjimit publikë është bërë me 12.09.2022, rikujtimin e njoftimit mund ta gjeni të publikuar në këtë vegëz:
Në këtë vegëz: https://www.facebook.com/TVBESA/videos/3198370613756931 , mund të gjeni video incizimin e mbajtjes së dëgjimit publik.
