Përmes konferencës për media, kryetari i Komunës së Prizrenit, Shaqir Totaj dhe Nderim Bytyqi drejtor i Agjencisë për Zhvillim Rural-Jug, kanë bërë lansimin e skemës së grandeve për “Mbështetjen e ndërmarrësve të rinj/start-up në komunën e Prizrenit”
Në lansimin e skemës, kryetari i Komunës Shqair Totaj ka thënë se ne kemi ndarë një fond të posaçme për këto grande (25, 000), për t’i stimuluar të rinjtë që t’i zbatojnë idetë e tyre në praktik, duke i mbështetur grande për sigurimin e pajisjeve dhe mjeteve të nevojshme të punës, apo me ndonjë softver të nevojshëm për ushtrimin e veprimtarisë së tyre.
“Synimet specifike të kësaj thirrje për propozime janë: Krijimi i vendeve të reja të punës, me theks të veçantë për femra dhe të rijnë dhe mbështetja e të rinjve që kanë ide më kreative dhe më të veçanta. Menaxhimin e kësaj skeme të grandeve do të bëjë Agjencia për Zhvillim Rajonal Jug”, është shprehur kryetari Totaj.
Nderim Bytyqi, u shpreh se vlera minimale e një granti është 500 euro, ndërsa vlera maksimale është 2, 500 euro. Përqindja e bashkëfinancimit nga aplikantët duhet të jetë minimumi 10%. Kontributi në natyrë nuk konsiderohet bashkëfinancim. Shuma e grantit që kërkohet nga Autoriteti Kontraktues duhet të jetë minimum 60% e vlerës së përgjithshme të projektit.
“Duke thënë se për t’u kualifikuar për grand, aplikanti/ja duhet të jetë; shtetas i Kosovës dhe banor rezident i komunës së Prizrenit (dëshmohet me kopje të letërnjoftimit), të jetë drejtpërdrejt përgjegjës/e për përgatitjen dhe menaxhimin e projektit. Kohëzgjatja e planifikuar e projektit që financohet nga komuna e Prizrenit, nuk mund të kaloj 6 muaj (përveç nëse ndryshe parashihet me kushte të kontratës)”, ka thënë drejtori Bytyqi.
Të gjitha shtojcat mund të shkakrohen nga uebfaqja e komunës së Prizrenit https://prizren.rks-gov.net/wp-content/uploads/ si dhe në rrjetet sociale në facebook dhe instagram të AZHR Jug, në linqet: https://www.facebook.com/azhrjug dhe azhrjug_rdasouth. Aplikacionet mund të dorëzohen në gjuhen Shqipe, Boshnjake dhe Turke.
Për detaje tjera klikoni në linkun vijues:
1-Udhëzues per aplikante komuna e Prizrenit
2-Shtojca A Formulari i aplikimit
