Në kuadër të aktiviteteve të “Prizreni – Qyteti Evropian i Sportit 2026”, në Malet e Sharrit u mbajt sot edicioni i pestë i High Scardus Ultra, një ngjarje ndërkombëtare e vrapimit malor që lidh Kosovën dhe Maqedoninë e Veriut përmes sportit, natyrës dhe aventurës.
Gara, e organizuar nga Butterfly Outdoor Adventure (BOA) dhe Sharr Outdoors, këtë vit mblodhi mbi 180 vrapues nga më shumë se 15 shtete. Pjesë e saj ishte edhe gara 10K Bear Trail, e zhvilluar në Prizren.
Kryetari Shaqir Totaj mori pjesë në ceremoninë e ndarjes së shpërblimeve për fituesit e 10K Bear Trail. “Është privilegj që si Komunë e Prizrenit të përkrahim aktivitete që promovojnë sportin, natyrën dhe potencialet turistike të qytetit tonë” – u shpreh Kryetari Totaj.
Fituesit e 10K Bear Trail:
Femra: 
Qendresa Ramadani 
– 56:16 | 
Cornelia Lauschmann 
– 1:06:12 | 
Lirika Deva – 1:07:13 | 
Vesa Paca – 1:09:28 | 
Lida Hoxha – 1:09:42
Meshkuj: Azem Osmani – 51:02 | Klodi Lushi 
– 51:25 | Niazi Istogu – 51:25 | Rune Grofer 
– 52:18 | Fuad Bajrami – 52:49
“Urime Uta Ibrahimit dhe të gjithë pjesëmarrësve e organizatorëve për një tjetër edicion të suksesshëm!” – uroi Kryetari Totaj.
